Ne duam të shprehim falënderimet tona të sinqerta për restorantin “Të Du Ktu”, i cili ka kontribuar në një iniciativë të mrekullueshme duke vendosur kutitë e donacioneve në ambientet e tij. Duke ndihmuar në mbledhjen e fondeve të nevojshme për të mbështetur ata që kanë më shumë nevojë, veçanërisht gjatë periudhës festive të Vitit të Ri.
Po ashtu, falenderojmë të gjithë ata që kontribuan në këto kuti, duke treguar një shpirt solidariteti dhe dashamirësie. Me këto donacione, arritëm të realizojmë pako ushqimore për familjet në nevojë, duke i ndihmuar ata të kalojnë një mbremje festive më të bukur dhe të mbushur me shpresa.
Ky projekt do të ishte i pamundur pa mbështetjen tuaj. Në emër të gjithë atyre që përfituan nga kjo ndihmë, ju falenderojmë me zemër për çdo kontribut.
