Me shumë dashuri dhe përkushtim, organizuam një aktivitet të veçantë për 40 të moshuar në nevojë. Në një atmosferë të ngrohtë dhe festive, të ftuarit tanë patën mundësinë të shijojnë një drekë të shijshme, të argëtohen me muzikë të zgjedhur dhe të marrin pjesë në lojëra zbavitëse. Ky aktivitet u zhvillua me rastin e festave të fundvitit, duke sjellë gëzim dhe buzëqeshje. Në këtë ditë të paharrueshme, jo vetëm që ndamë dhurata dhe argëtim, por edhe dashuri dhe kujdes, duke treguar se bashkë mund të krijojmë momente që i japin kuptim festave.